చేతులు కాలాకా ఆకులు ప‌ట్టుకోవ‌ద్దు ప్లీజ్..!

Breaking News

హోమ్        ఆంధ్రప్రదేశ్      న్యూస్

Updated:  2018-08-24 18:02:07

చేతులు కాలాకా ఆకులు ప‌ట్టుకోవ‌ద్దు ప్లీజ్..!

తెలుగు రాష్ట్రాల్లో ముంద‌స్తు ఎన్నిక‌లు జ‌రుగుతాయ‌నే ప్ర‌చారం ఊపందుకుంది. ఈ ప్ర‌చారం ప‌తాక స్థాయికి చేరుకోవ‌డంతో రాజ‌కీయ దురందురులు వ్యూహాల్ని సిద్ధం చేసుకుంటున్నారు. ఈ నేప‌థ్యంలో ఎన్నిక‌ల‌కు ఇంకా ఎనిమిది నెల‌ల‌ స‌మ‌యం ఉన్నా తెలంగాణ సీఎం కేసీఆర్ నాలుగు నెల‌ల ముందే ఎన్నికల‌కు సిద్ధ‌మ‌వ్వ‌డంపై ప్ర‌తిప‌క్షాలు అనుమానం వ్య‌క్తం చేస్తున్నాయి. అయితే చ‌రిత్ర మాత్రం ముంద‌స్తు ఎన్నిక‌ల‌కు వెళితే అధికార పార్టీలు ఓట‌మి పాల‌వ్వ‌డం ఖాయ‌మ‌ని ఘంటాప‌ద‌మ‌ని తెలుస్తోంది. మ‌రి దీనిపై సీఎం చంద్ర‌బాబు, సీఎం కేసీఆర్ ఏ విధంగా స్పందిస్తారో వేచి చూడాల్సి ఉంది. 
 
సీఎం కేసీఆర్ ముంద‌స్తు ఎన్నిక‌ల్లోకి వెళ్లేందుకు ఎమ్మెల్యేలు, మంత్రుల్ని అల‌ర్ట్ చేస్తున్నారు. ఎప్ప‌టిక‌ప్పుడు ఆయా నియోజ‌క‌వ‌ర్గాల ఎమ్మెల్యేల ప‌నితీరుపై స‌ర్వేలు త‌యారు చేస్తున్నారు. హ‌స్తిన ప‌ర్య‌ట‌న అనంత‌రం సెప్టెంబ‌ర్ లో  అసెంబ్లీ ఎన్నిక‌ల్లో పోటీ చేసే అభ్య‌ర్ధుల్ని ఖరారు చేస్తామ‌ని ప్ర‌జ‌ల్లో ముందుస్తు ఆలోచ‌న‌ల‌ను రాజేశారు. అయితే దీనిపై రాజ‌కీయ ఉద్దండులు మాత్రం హెచ్చ‌రిక‌లు జారీ చేస్తున్నారు.
 
సీఎం చంద్ర‌బాబు కూడా ముంద‌స్తు ఎన్నిక‌ల‌కు సిద్ధ‌మ‌వుతున్నారు. అభివృద్ధిని ప‌క్క‌న‌పెట్టేసి మ‌రోమారు అధికారం చేప‌ట్టాల‌ని ఉవ్విళ్లురుతున్నారు. ప్ర‌తిప‌క్ష అధినేత వైఎస్ జ‌గ‌న్ పై ఎత్తుకు పై ఎత్తు వేస్తున్నారు. మంత్రుల‌తో వ‌రుస భేటీలు,అన్నా క్యాంటీన్లు, అమ‌రావ‌తి నిర్మాణాల పేరుతో హ‌డావిడి చేస్తున్నారు.అయితే ఈ రాజ‌కీయ వేడిపై ప‌లువురు రాజకీయ విశ్లేష‌కు గ‌తాన్ని గుర్తు చేస్తున్నారు. 
 
ఇలా గ‌తంలో ముంద‌స్తు  ఎన్నిక‌ల‌కు  వెళ్లిన‌  కోట్ల విజయభాస్కరరెడ్డి, ఎన్టీఆర్, చంద్ర‌బాబు, వాజ్‌పేయిలు  చేతులు కాల్చుకున్నార‌నే చేదు నిజాన్ని బ‌హిర్ఘ‌తం చేస్తున్నారు. ఒక‌వేళ‌కాదు అని ముంద‌స్తు ఎన్నిక‌ల ఉవ్విళ్లూరుతున్న కేసీఆర్ ప్ర‌త్య‌ర్ధుల చేతుల్లో ఓడిపోవ‌డం పెద్ద‌క‌ష్ట‌త‌ర‌మేమి కాద‌ని హెచ్చ‌రిస్తున్నారు. రాజ‌కీయ విశ్లేష‌కులు, చ‌రిత్ర చూస్తే జ‌మిలీ ఎన్నిక‌ల్లో పోటీ చేసిన అధికార పార్టీ అధినేత‌లు కంగుతిన్నారు. 
 
1983లో ఎన్నిక‌లు జ‌ర‌గాల్సి ఉండ‌గా హైకమాండ్ అనుమ‌తితో సీఎం కోట్ల విజ‌య భాస్క‌ర రెడ్డి టీడీపీ వ్య‌వ‌స్థాప‌కులు ఎన్టీఆర్ పై 1982లో జ‌రిగిన  ఎన్నిక‌ల్లో ముందస్తు ఎన్నిక‌ల్లో పోటీ చేశారు. ఈ ఎన్నిక‌ల్లో సీఎం కోట్ల విజ‌య భాస్క‌ర్ రెడ్డి ఓట‌మిపాల‌య్యారు. వీరితోపాటు 1990లో ఎన్టీఆర్, 2003 లో చంద్ర‌బాబు, 2004లో వాజ్‌పేయి లు ఓట‌మి చ‌విచూశారు. అయితే ఇప్పుడు హాట్ టాపిగ్గా మారిన ముంద‌స్తు ఎన్నిక‌లు వ‌స్తే ఎవ‌రిని అదృష్టం వ‌రిస్తోంద‌ని ప్ర‌జ‌లు ఆస‌క్తిగా గ‌మ‌నిస్తున్నారు.

 

షేర్ :

Comments

0 Comment

తాజా వార్తలు

Copyright © Janahitham. All rights reserved. Designed by Aakruti.