ఆ టీడీపీ ఎంపీ నెక్ట్స్ వైసీపీలోకేనా..?

Breaking News

హోమ్        ఆంధ్రప్రదేశ్      న్యూస్

Updated:  2018-05-22 18:34:22

ఆ టీడీపీ ఎంపీ నెక్ట్స్ వైసీపీలోకేనా..?

సార్వ‌త్రిక ఎన్నిక‌లు ద‌గ్గ‌ర ప‌డుతున్న నేప‌థ్యంలో ఏపీ ముఖ్య‌మంత్రి తెలుగుదేశం పార్టీ అధినేత చంద్ర‌బాబు నాయుడు ప్ర‌తీ నియోజ‌కవ‌ర్గంలో ర‌హ‌స్య స‌ర్వేను నిర్వ‌హిస్తున్నారు. ఈ స‌ర్వేలో టీడీపీ ఎమ్మెల్యేల ప‌రిపాల‌న, ఎంపీల ప‌రిపాల‌నను దృష్టిలో ఉంచుకుని స‌ర్వే నిర్వహించారు. ఇక ఈ స‌ర్వేలో ప‌లు ఆస‌క్తిక‌ర‌మైన విష‌యాలు బ‌య‌ట ప‌డుతున్నాయి.అయితే ఇప్పటికే టీడీపీ కంచుకోట అనంత‌పురం జిల్లా, కృష్ణా జిల్లాలో చంద్ర‌బాబు స‌ర్వేను నిర్వ‌హించారు. ఈ స‌ర్వేలో ప‌లు కీల‌విష‌యాలు బ‌య‌ట ప‌డ్డాయని తెలుస్తోంది. 
 
టీడీపీ నాయ‌కుల‌ను గెలిపిస్తే త‌మ జీవితాలు బాగుప‌డుతాయ‌ని భావించి 2014 లో ఎన్నిక‌ల్లో టీడీపీ నాయ‌కులకు ప్ర‌జ‌లు ఓటు వేశార‌ని కానీ వారి న‌మ్మ‌కాన్ని టీడీపీ ఎమ్మెల్యేలు నిల‌బెట్టుకోలేక‌పోయార‌ని ఈ స‌ర్వే తెలిపింది. దీంతో చంద్ర‌బాబు వారంద‌రిర‌ని కేబినెట్ కు పిలిపించుకుని అత్య‌వ‌స‌ర స‌మావేశం ఏర్పాటు చేసి వారిని క్లాస్ తీసుకున్నార‌ట‌. ఇక వ‌చ్చే ఎన్నిక‌లకు సుమారు ఏడాది కాల వ్య‌వ‌ధి ఉన్న నేప‌థ్యంలో ప్ర‌తీ ఒక్క‌రు త‌మ నియోజ‌కవ‌ర్గాల్లో ప్ర‌జాధ‌ర‌ణ తెచ్చుకోవాల‌ని చంద్ర‌బాబు ఎమ్మెల్యేల‌కు  సూచించార‌ట‌. ఒక వేళ‌ ప్ర‌జాధ‌ర‌ణ తెచ్చుకోలేని నేప‌థ్యంలో 2019 సార్వ‌త్రిక ఎన్నిక‌ల్లో టీడీపీ త‌ర‌పున సీటు ఆసించ‌కూడ‌ద‌ని హెచ్చ‌రించార‌ట‌.
 
ఇక ఇదే క్ర‌మంలో క‌ర్నూల్ జిల్లా ఆళ్ల‌గడ్డ‌లో కూడా చంద్ర‌బాబు స‌ర్వేను నిర్వ‌హిచార‌ట‌. ఈ నియోజ‌కవ‌ర్గంలో కూడా ఇదే ప‌రిస్థితి త‌లెత్తింద‌ని స‌ర్వే తెలిపింది. గ‌డిచిన ఎన్నిక‌ల్లో అఖిలప్రియ త‌మ త‌ల్లిదండ్రుల సానుభూతితో, అలాగే ఏవీ సుబ్బారెడ్డి అండ‌తో గెలిచింద‌ని అయితే ఇప్పుడు ఆ ప‌రిస్థితి క‌నించ‌ట్లేద‌ని అంటున్నారు. మంత్రి ప‌ద‌విలో ఉన్నా కూడా అఖిల ప్రియ ఇంత వ‌ర‌కూ ఆళ్ల‌గ‌డ్డ‌లో ఒక్క చోట కూడా అభివృద్ది కార్య‌క్ర‌మాలు జ‌రిపించ‌లేద‌ని అంటున్నారు. 
 
ఇక‌ ఇదే విష‌యంపై చంద్ర‌బాబు అఖిల ప్రియ‌కు క్లాస్ తీసుకున్న‌ట్లు తెలుస్తోంది. దీంతో పాటు ఏవీ సుబ్బారెడ్డితో గొడ‌వ పై కూడా మ‌రోసారి చంద్ర‌బాబు చ‌ర్చించిన‌ట్లు తెలుస్తోంది. గ‌త ఎన్నిక‌ల్లో ఏవీ సుబ్బారెడ్డి మద్దతు లేకపోతే కనీసం 20వేల ఓట్ల తేడాతో ఓడిపోతావ్ తెలుసా! అని అఖిలప్రియతో బాబు అన్నార‌ట‌.  దీంతో అఖిల ప్రియ షాక్ కు గురి అయింద‌ట‌.
 
ఇక తాజాగా ఇదే స‌ర్వేను టీడీపీ ఎంపీ ముర‌ళీ మోహ‌న్ పార్లమెంట్ స్టానం అయిన  రాజ‌మండ్రిలో చంద్ర‌బాబు స‌ర్వేను నిర్వ‌హించార‌ట‌. ఒక విధంగా చెప్పాలంటే 2014 ఎన్నిక‌ల్లో తెలుగుదేశం గెలుపులో ఆయ‌న గెలుపు కూడా రికార్డుగా న‌మోదు చేసుకున్నారు రాజ‌మండ్రి ఎంపీ ముర‌ళీమోహ‌న్. కానీ ప్ర‌స్తుతం ఈ పార్లమెంట్ స్టానంలో బీట‌లు వాలే ఛాన్స్ ఎక్కువ‌గా ఉంద‌ని తాజాగా స‌ర్వేలో తేలింది. 
 
గ‌త ఎన్నిక‌ల్లో ఆయ‌న రాజ‌మండ్రి నుంచి గెలిచినా కూడా ఇంత వ‌ర‌కూ ఒక్క‌చోట కూడా అభివృద్ది కార్య‌క్ర‌మం చేయ‌లేద‌ని ప్ర‌జ‌లు విమ‌ర్శిస్తున్నారు. టీడీపీ అధికారంలో వ‌చ్చిన‌ప్ప‌టినుంచి ఒక్క‌సారి కూడా రాజ‌మండ్రిలో క‌నిపించ‌లేద‌ని అంటున్నారు. ఇక ఇప్పుడు ప్ర‌త్యేక హోదా తెర‌మీద‌కు రాడంతో ఆయ‌న ఇటీవ‌ల మీడియా ముఖంగా క‌నిపిస్తున్నారు అని ప్ర‌జ‌లు అంటున్నారు.
 
తాజాగా ఇదే విష‌య‌న్ని ప‌రిగ‌ణ‌లోకి తీసుకున్న చంద్ర‌బాబు మురళీ మోహన్‌పై విమర్శలు చేశార‌ట. ఈ సంద‌ర్భంగా చంద్ర‌బాబు ఎంపీతో ప్రస్తావిస్తూ, టీడీపీకి నీ వ‌ల్ల ఏ ఉపయోగం లేదని డైరెక్ట్‌గా మురళీ మోహన్‌తోనే తేల్చిచెప్పార‌ట. తెరవెనుక ఉండి పార్టీకి సాయం చేయడం వరకూ ఒకే కానీ 2019 ఎన్నికల్లో రాజమండ్రి నుంచి పోటీ చేస్తే గెలిచే అవకాశం లేదని చెప్పార‌ట చంద్ర‌బాబు. ఈ సారికి అర్థం చేసుకోవాల‌ని తెర‌వెనుక ఉండి పార్టీకి సాయం అందించాల‌ని అన్నార‌ట‌. ఒకవేళ 2019 ఎన్నిక‌ల్లో టీడీపీ అధికారంలోకి వ‌స్తే పార్టీ త‌ర‌పున ఛైర్మన్, లేదా రాజ్యసభ సభ్యత్వంలో ఏదో ఒకటి ఇస్తానని మురళీ మోహన్ కు చంద్ర‌బాబు హామీ ఇచ్చార‌ట‌.
 
ఇక ప్ర‌స్తుతం ఇదే విష‌యంపై రాష్ట్ర వ్యాప్తంగా చ‌ర్చించుకుంటున్నారు. 2019 సార్వ‌త్రిక ఎన్నిక‌ల్లో రాజ‌మండ్రి త‌ర‌పున ముర‌ళీ మోహ‌న్ మ‌ళ్లీ పోటీ చేయ‌నున్నార‌ని కొద్ది రోజుల క్రితం వార్త‌ల్లో వ‌చ్చాయి. దీంతో పాటు ఆయ‌న‌ కోడ‌లు రూప ను కూడా టీడీపీ త‌ర‌పున ఏదో ఒక నియోజ‌కవ‌ర్గం నుంచి పోటీ చేయించాల‌ని ముర‌ళీ మోహన్ ఆలోచించారు. కానీ తాజా స‌ర్వే ప్ర‌కారం చంద్ర‌బాబు ఆయ‌న‌ను రిజ‌క్ట్ చేశార‌నే వార్త‌లు రావ‌డంతో ప్ర‌స్తుతం ముర‌ళీమోహ‌న్ డైల‌మాలో ప‌డిన‌ట్లు తెలుస్తోంది. 
 
ఇక మ‌రో వైపు మ‌రికొద్ది రోజుల్లో ప్ర‌తిప‌క్ష‌నేత వైఎస్ జ‌గ‌న్ మోహ‌న్ రెడ్డి ప్ర‌జా సంక‌ల్ప‌యాత్ర‌లో భాగంగా ప‌శ్చిమ గోదావ‌రి జిల్లాను పూర్తి చేసుకుని తూర్పు గోదావ‌రి జిల్లాకు చేరుకునే క్రమంలో జ‌గ‌న్ మోహ‌న్ రెడ్డి స‌మ‌క్షంలో వైసీపీలో చేరేందుకు ఆలోచిస్తున్నార‌ని  తాజాగా రాజ‌కీయ విశ్లేష‌కులు తెలుపుతున్నారు. ఏది ఏమైన‌ప్ప‌టికి వైసీపీలోకి మాత్రం వ‌ల‌స‌లు ఆగ‌డం లేదు.

షేర్ :

Comments

0 Comment

తాజా వార్తలు

Copyright © Janahitham. All rights reserved. Designed by Aakruti.