పాము పుట్ట కావాలంటే చీమలే కష్టపడాలా..?

Breaking News

హోమ్        ఆంధ్రప్రదేశ్      న్యూస్

Updated:  2018-08-22 18:15:02

పాము పుట్ట కావాలంటే చీమలే కష్టపడాలా..?

మంత్రులు హైరానా ప‌డిపోతుంటే ఆ ఇద్ద‌రు రాజులు ఏం చేస్తున్నారు. బ‌ల‌గాన్ని సిద్దం చేసుకొని చావోరేవో తేల్చుకునేందుకు ఎత్తుకు ఎత్తు వేస్తున్నారా..? ఎజెండాలు వేరైనా, రాష్ట్రాలు వేరైనా వారి టార్గెట్ మాత్రం ఎన్నిక‌లే. త్వ‌ర‌లో జ‌రిగే ఎన్నిక‌ల్లో  ముఖ్యమంత్రి పీఠాన్ని అధిష్ఠించాలనేది వీరిద్ద‌రి లక్ష్యం. మ‌రి దాని కోసం వాళ్లిద్ద‌రు ఎలాంటి ప్రణాళికలను సిద్ధం చేసుకుంటున్నారు. పాములకు పుట్ట కావాలంటే చీమలే కష్టపడాలనే సిద్ధాంతాన్ని నమ్మే వీళ్లిద్ద‌రు రాజకీయ చదరంగంలో కాంగ్రెస్ , బీజేపీల్ని ఎలా ఆడుకుంటున్నారో తెలియాలంటే..?  
 
ఎన్నిక‌లు ద‌గ్గ‌ర‌ప‌డుతున్నాయంటే అధికార పార్టీ నేత‌ల‌కైనా, ప్ర‌తిప‌క్ష‌పార్టీ నేత‌ల‌కైనా  గుండెల్లో రైళ్లు ప‌రిగెత్తుతాయి. గెలిస్తే భ‌విష్య‌త్తు లేదంటే ఐదేళ్లు అంద‌కారంలో మ‌గ్గాల్సిందే. పార్టీ నేత‌లే ఇలా ఉంటే ఆ పార్టీల‌ను న‌డిపించే  ర‌ధ‌సారధుల‌కు ఎలా ఉంటుందో ఊహించ‌లేం.తెలంగాణ సీఎం కేసీఆర్, ఏపీ సీఎం చంద్ర‌బాబు వ‌చ్చే ఎన్నిక‌ల‌కోసం స‌ర్వం సిద్ధం చేసుకుంటున్నారు. ప‌గొడిని మ‌నోడిని చేసుకోవాల‌నేది వీళ్లిద్ద‌రి తాప‌త్ర‌యం. అందుకే చంద్ర‌బాబు కాంగ్రెస్ తో పొత్తు సిద్ధమంటున్నారు. కేసీఆర్ జాతీయ పార్టీ బీజేపీతో స‌న్నిహితంగా మెలుగుతున్నారు. ప్ర‌త్యర్ధులు ఎన్ని అస్త్రాల్ని సంధించినా..ఏటుకి ఎద‌రీత‌కుండా శాంతిమంత్రం జ‌పిస్తున్నారు.  
 
రాష్ట్రాన్ని ముక్క‌లు చేసిన ఘ‌న‌త కాంగ్రెస్ కే ద‌క్కుతుంది. దాన్ని ఎవ‌రు కాద‌న‌లేరు. ఆ పాపం శాపమై రాష్ట్రాన్ని రావ‌ణ కాష్టంలా ద‌హించి వేస్తుంటే చంద్ర‌బాబు మాత్రం తెలంగాణ‌లో ఆ పార్టీతో పొత్తుపెట్టుకొని చుక్కాని లేని నావ‌లా ఉన్న పార్టీకి దిశానిర్ధేశం చేస్తున్నారు. ఈ నేప‌థ్యంలో రెండు రోజుల ప‌ర్య‌ట‌న‌లో ఉన్న ఏఐసీసీ అధ్య‌క్షుడు రాహుల్ గాంధీ తో చంద్ర‌బాబు కోడ‌లు నారా బ్ర‌హ్మిణి భేటీ అవ్వ‌డం పొత్తుకు ఖాయ‌మ‌నే అనిపిస్తుంది. 
 
ఏ హోదాలో ఉన్న విజ‌యం సాధించాల‌నేది బాబు తత్వం. ఈ సారి ఎన్నిక‌ల్లో  ఓటమి ఖాయ‌మ‌ని
మ‌ధ‌న‌ప‌డ్డ‌బాబు కాంగ్రెస్ తో చెలిమికి ఉవ్విళ్లూరుతున్నారు. గెలుపుకోసం  ఈ ఎన్నిక‌లే కాదు గ‌తంలో ఇలాంటి పొత్తుల‌తో ప్ర‌త్య‌ర్ధుల్ని చిత్తు చేసిన సంద‌ర్భాలు ఉన్నాయి. 1983, 85, 94 ఎన్నికల్లో  ఎన్టీఆర్‌ కారణంగా గెలిచిన టీడీపీ బాబు చేతుల్లోకి వచ్చాక 1999లో ఏబీ వాజ్‌పేయి, 2014లో మోదీ ప్రభంజనాల్లో బీజేపీతో కలిసి ఎన్నికలకు వెళ్లి గెలిచింది. 2019 ఎన్నికల్లో కూడా ఒంటరి పోరుతో గెలవలేమన్న విషయం బాబుకు బాగా తెలుసు. ఇప్పుడు బీజేపీతో కలిసి వెళ్లే పరిస్థితి లేదు.
 
అందుకే కాంగ్రెస్ తో ఎన్నిక‌ల బ‌రిలోకి దిగేందుకు సిద్ధ‌మ‌య్యారు. ఇక సీఎం కేసీఆర్ కూడా అదే త‌ర‌హా రాజ‌కీయం. పొత్తుకాదుకాని..వ్యూహాలు అమ‌లు చేయ‌డంలో అప‌ర‌చాణుక్యుడిని మించిపోతున్నారు. మోడీతో స్నేహంగా ఉంటూనే రాష్ట్ర క‌మ‌లం నేత‌ల‌కు చుక్క‌లు చూపిస్తున్నారు. పార్టీ అధినాయ‌క‌త్వం కూడా అంతే లోకల్ లీడ‌ర్ల‌ను ప‌ట్టించుకోవ‌డం లేదు. దీంతో కేసీఆర్ ఎప్పుడు ఏం మాట్లాడుతారో తెలియ‌క మ‌ల్ల‌గుల్లాలు ప‌డుతున్నారు. 
 
కొద్దిరోజుల క్రితం పీఎం మోడీతో భేటీ అయిన కేసీఆర్ రాష్ట్రానికి వ‌చ్చారో లేదో..హ‌డావిడిగా మీటింగ్ పెట్టారు. వ‌చ్చే ఎన్నిక‌ల గురించి ప్ర‌స్తావించారు. ముంద‌స్తు ఎన్నిక‌లు రావ‌చ్చ‌నే సంకేతాలిచ్చారు. మ‌రి ఆ విష‌యం బీజేపీ నేత‌ల‌కు తెలియ‌దా అంటే లేదు.  ఏపీలో బ‌లంగా లేక‌పోయినా..తెలంగాణ‌లో కేసీఆర్ తో స్నేహం చేస్తే బాగుంటుంద‌నే ఆలోచ‌న‌లో ఉంది బీజేపీ. అందుకే కేసీఆర్ తో రాసుకొని తిరుగుతుంది బీజేపీ.  

షేర్ :

Comments

0 Comment

తాజా వార్తలు

Copyright © Janahitham. All rights reserved. Designed by Aakruti.