పక్కలో బల్లెం లా తయారైన పవన్.. తలలు పట్టుకున్న టీడీపీ..

Breaking News

హోమ్        ఆంధ్రప్రదేశ్      న్యూస్

pawan kalyan and tdp
Updated:  2018-10-17 02:02:04

పక్కలో బల్లెం లా తయారైన పవన్.. తలలు పట్టుకున్న టీడీపీ..

పవన్ కళ్యాణ్ టీడీపీ నుంచి బయటికి వచ్చిన తరువాత ఓ రేంజ్ లో విమర్శలు కురిపిస్తున్నాడు. టీడీపీ కీ  ఇప్పటివరకు జగన్ మాత్రమే ప్రధాన పోటీగా ఉండేవాడు ఇప్పడూ జగన్ కు పవన్ తోడై సరికే టీడీపీ పరిస్థితి అధ్వానంగా తయారైంది. అయితే పదే పదే పవన్ లోకేష్ ను టార్గెట్ చేయడంతో చంద్రబాబు కు భయం పట్టుకున్నది. చంద్రబాబు కె కాదు టీడీపీ వర్గాల్లో అందరూ పక్కలో బల్లెం లా తయారయ్యాడని అంటున్నారు.. మరి పవన్ ఏ రేంజ్ లో టీడీపీ ని విమర్శలు చేసారో చూద్దాం.. 
 
లోకేష్ ను ఫ్యూచర్ లీడర్ గా ప్రమోట్ చేయాలనీ బాబు అనుకుంటుంటే పవన్ మాత్రం లోకేష్ ని ఘోరంగా అవమానిస్తున్నారు. గోదావరి జిల్లాలో కవాతు కార్యక్రమంలో పవన్ కళ్యాణ్ తెలుగుదేశం పార్టీపై మాటల తూటాలు విసిరారు. దమ్ముంటే పంచాయతీ ఎన్నికలు పెట్టాలని, జనసేన సత్తా చూపిస్తుందని పవన్ కళ్యాణ్ సవాల్ విసిరారు. పంచాయతీ ఎన్నికలు పెట్టకపోతే, మాజీ సర్పంచ్ లు అందరితో కలిసి ఉద్యమం నిర్వహిస్తా అని ఆయన హెచ్చరించారు. కోర్టు చేత ఈ విషయంలో మొట్టికాయలు తినవద్దని పవన్ అన్నారు. పంచాయతీ ఎన్నికలు నిర్వహించకపోవడం వల్ల లక్షల కోట్ల రూపాయల కేంద్ర నిధులు వెనక్కు పోతున్నాయని ఆయన అన్నారు.
 
చంద్రబాబు, ఆయన కుమారుడు పంచాయతీ మంత్రి లోకేష్ కలిసి, పంచాయతీ వ్యవస్థను నిర్వీర్యం చేస్తున్నారని పవన్ విమర్శించారు. పంచాయతీ లెవెల్ లో కూడా పోటీచేయలేని లోకేష్ ను ఏకంగా మంత్రిని చేసారని పవన్ దుయ్యబట్టారు. చెయ్యాల్సిన కుంభకోణాలు, దోపిడీలన్నీ చేసి, అన్ని వ్యవహారాలు చేసి.. డొంకలో దాక్కుంటే పిడుగుపాటు తప్పదా? అని ప్రశ్నించారు. ముఖ్యమంత్రి కచ్చితంగా తనపై వచ్చిన అవినీతి ఆరోపణల నుంచి బయటపడాలని, ‘క్లీన్’ అని నిరూపించుకోవాలని అన్నారు.
 
అఖిల పక్ష సమావేశం ఏర్పాటు చేయాలని, కలిసికట్టుగా పోరాడదామని, ఢిల్లీకి వెళ్లి నిలదీద్దామని చంద్రబాబుకు పవన్ సూచించారు. ఢిల్లీ సీఎం కేజ్రీవాల్ పై, ఆయన కార్యాలయంపై ఐటీ దాడులు జరిగినట్టుగా సీఎం చంద్రబాబుపై, ప్రభుత్వ కార్యాలయాలపైనా కేంద్ర ప్రభుత్వం ఈ తరహా దాడులు కనుక చేస్తే.. టీడీపీ ప్రభుత్వాన్ని తాము వ్యతిరేకిస్తున్నప్పటికీ, రాష్ట్ర ప్రజల కోసం వారికి అండగా ఉంటామని చెప్పారు. ఈ విషయంలో ఆలోచించాల్సిన అవసరం లేదని స్పష్టం చేశారు.
 
కానీ, గుంటూరు బ్రిక్స్ ఫ్యాక్టరీలో లేదా టీడీపీ ఎంపీ నివాసంలో ఐటీ సోదాలు నిర్వహిస్తే.. వాటిని టీడీపీ ప్రభుత్వంపై దాడులుగా ఎలా చెబుతారని ప్రశ్నించారు. నిజంగా తెలుగుదేశం ప్రభుత్వాన్ని కేంద్రం ఇబ్బంది పెట్టే పనులు కనుక చేస్తే ఊరుకోమని, తాము అండగా ఉంటామని పవన్ స్పష్టం చేశారు. విజన్ 2020 ఫలితం ఇవ్వలేదని, చంద్రన్న పథకాలు అన్నీ ప్రచారం కోసం తప్ప మరేమీకాదని తాను ఎక్కడికి వెళ్లినా జనం చెబుతున్నారని పవన్ వివరించారు.

షేర్ :

Comments

0 Comment