చంద్ర‌బాబుపై మాజీ ఎంపీ వ‌ర ప్రసాద్ సంచ‌ల‌న వ్యాఖ్య‌లు

Breaking News

హోమ్        ఆంధ్రప్రదేశ్      న్యూస్

Updated:  2018-07-02 13:35:34

చంద్ర‌బాబుపై మాజీ ఎంపీ వ‌ర ప్రసాద్ సంచ‌ల‌న వ్యాఖ్య‌లు

తెలుగుదేశం పార్టీ నాయ‌కుల కంచుకోట అయిన అనంత‌పురం జిల్లాలో ప్ర‌తిప‌క్ష వైఎస్సార్ కాంగ్రెస్ పార్టీ నాయ‌కులు ఈ రోజు పెద్ద ఎత్తున వంచ‌న‌పై గ‌ర్జ‌న దీక్ష‌ను చేప‌డుతున్నారు. ఈ దీక్ష‌లో ప్ర‌త్యేక హోదా సాధ‌న కోసం రాజీనామా చేసిన‌ తిరుప‌తి మాజీ ఎంపీ వ‌ర ప్ర‌సాద్ మాట్లాడుతూ, ముఖ్య‌మంత్రి చంద్ర‌బాబు నాయుడుకి ముచ్చెమ‌లు ప‌ట్టించారు.
 
వైఎస్సార్ కాంగ్రెస్ పార్టీ ఇంత గ‌ట్టిగా ఉందంటే అది కేవ‌లం ప్ర‌జ‌ల మ‌ద్ద‌తు అని ఆయ‌న స్ప‌ష్టం చేశారు. ప్ర‌జ‌లు లేకుంటే వైసీపీ లేద‌ని వారి మ‌ద్ద‌తుతోనే తాము కేంద్రం పై అలాగే ముఖ్య‌మంత్రి చంద్ర‌బాబు నాయుడుపై పోరాడుతున్నామ‌ని వ‌ర‌ప్రసాద్ స్ప‌ష్టం చేశారు.
 
2014లో చంద్ర‌బాబు నాయుడు అధికారంలోకి వ‌చ్చిన త‌ర్వాత నుంచి దుర్మార్గ‌పు పాల‌నుకు అంతులేకుండా పోయింద‌ని, అయితే ఇందుకు ప్ర‌తీ ఒక్క‌రు న‌డుము బిగించాల‌ని మాజీ ఎంపీ వ‌ర‌ప్ర‌సాద్ తెలియ‌జేశారు. టీడీపీ నాయ‌కులు ప్ర‌త్యేక హోదా కోసం మిత్రప‌క్షం వ‌హించకోకుండా కేవ‌లం వారి స్వ‌లాభాల కోసం నాలుగు సంవ‌త్స‌రాలు కేంద్రంతో మిత్ర ప‌క్షం వ‌హించార‌ని ఆయ‌న మండిప‌డ్డారు. 
 
ప్ర‌త్యేక హోదాను కేంద్రానికి తాక‌ట్టు పెట్టిన చంద్ర‌బాబు నాయుడు నిజ‌మైన  నాయ‌కుడా అని సూటిగా ప్ర‌శ్నించారు. 29 సార్లు చంద్ర‌బాబు నాయుడు ఢిల్లీకి వెళ్లి ఒట్టి చేతుల‌తో వ‌చ్చారని వ‌ర‌ప్ర‌సాద్ మండిప‌డ్డారు. మీడియా స‌మావేశంలో ఆయ‌న 40 సంవ‌త్స‌రాలు రాజ‌కీయ అనుభ‌వ‌గ్నుడ‌ని, మూడుసార్లు ముఖ్య‌మంత్రి అయ్యాన‌ని చెప్పుకుంటూ అధికారంలో ఉండి కూడా ఢిల్లీ వెళ్లి ఒట్టి చేతుల‌తో వ‌చ్చార‌ని  ఆయ‌న విమ‌ర్శ‌లు చేశారు. 
 
తాను మూడు విష‌యాల్లో చాలా గ‌ర్వ‌ప‌డుత‌న్నాన‌ని వ‌ర‌ప్రసాద్ స్ప‌ష్టం చేశారు. అందులో మొద‌టిగా 2014 ఎన్నిక‌ల్లో ప్ర‌తిప‌క్షనేత వైఎస్ జ‌గ‌న్ మోహ‌న్ రెడ్డి త‌న‌కు తిరుప‌తి ఎంపీ సీటు కేటాయించినందుక‌ని, ఇక రెండ‌వ‌ది తన‌ని ప్ర‌జ‌లు గెలిపించినందుకు గ‌ర్వ‌ప‌డుతున్నాన‌ని స్ప‌ష్టం చేశారు. ఇక చివ‌రిగా ప్ర‌త్యేకహోదా కోసం పార్టీ అధినేత కోరిక మేర‌కు రాజీనామా చేసినందుకు త‌న‌ను మాజీ ఎంపీ అన్నందుకు సంతోషంగా ఉంద‌ని స్ప‌ష్టం చేశారు. త‌న ప్రాణం ఉన్నంత‌వ‌ర‌కు వైసీపీ త‌ర‌పున ప్ర‌జా సేవ చేస్తూనే ఉంటాన‌ని అన్నారు.

షేర్ :

Comments

0 Comment

తాజా వార్తలు

ఎక్కువ మంది చదివినవి


Warning: mysql_num_rows() expects parameter 1 to be resource, boolean given in /home/janah7m6/public_html/mostreadnews.php on line 39

Copyright © Janahitham. All rights reserved. Designed by Aakruti.