మంచి ఆరోగ్యానికి ఈ 7 ఆహారాలు ఎంతో మేలు..?

Breaking News

హోమ్        ఆరోగ్యం      న్యూస్

vegetables
Updated:  2018-10-01 04:28:47

మంచి ఆరోగ్యానికి ఈ 7 ఆహారాలు ఎంతో మేలు..?

మ‌నం తీసుకునే ఆహారాల్లో అన్నింటిలో క‌ల్లా  తాజా కాయ‌గూర‌లు ఇచ్చే పోష‌కాలు మ‌రేవి ఇవ్వ‌వు.. అందుకే కాయ‌గూర‌లు చేసే మేలు మ‌రే ఇత‌ర వాటిలో ఉండ‌వు అంటారు వైద్యులు. అయితే ఈ కూర‌గాయల్లో మ‌న శ‌రీరానికి మరింత మంచి చేసేవి ఆరోగ్యాన్ని సంర‌క్షించేవి కొన్ని ఉంటాయి వాటిని మ‌నం ఇప్పుడు తెలుసుకుందాం.
 
1...బీట్‌రూట్
మ‌నం నిత్యం ఆహారంలో చేర్చుకోవాల్సిన కూర‌గాయ‌ల్లో బీట్ రూట్ కూడా ఒక‌టి. బీట్‌రూట్ లో క్యాన్సర్‌తో పోరాడే అద్భుత గుణాలుంటాయి. బీట్‌రూట్‌లోని ఎర్రటి పిగ్మెంట్‌ సహజమైనది. అంతేకాకుండా ఇందులో ఫోలేట్‌లు అధికంగా ఉంటాయి. బీట్‌రూట్‌లో నైట్రేట్‌ నిల్వలు అధికం. ఇవి నైట్రేట్‌ ఆక్సైడ్‌లుగా మారి రక్తప్రసరణ వేగాన్ని పెంచుతాయి. ఫలితంగా రక్తనాళాల్లో రక్తం గడ్డకట్టడాన్ని నివారిస్తాయి.
 
2..మునగకాయ
మ‌న ప్రాంతంలో  కూరగాయల్లో మునగకాయ ఎంతో విరివిగా వాడుతూ ఉంటాం. ఈ చెట్టు ఉపయోగాలు ఎన్నో ఉన్నాయి..చెట్టు వేరు నుండి ఆకు వరకు అన్నీ ఉపయోగాలే. పోషకాలు కూడా ఎక్కువే. పంటగా కూడా సాగు చేసే మునగలో మంచి గుణాలు ఎన్నో ఉన్నాయి. వీటిని రోజూ ఆహారంలో భాగం చేసుకుంటే శ‌రీరానికి పోష‌కాలు బాగా ల‌భించి ఆరోగ్యంగా ఉండ‌వ‌చ్చు. మున‌గ ఆకు ప‌ప్పు తీసుకోవ‌డం ఆరోగ్యానికి ఎంతో మేలు
 
3. క్యాబేజ్
క‌్యాబేజీ ఒక ఆకుకూర. దీనిని చాలా మంది తిన‌డానికి ఇష్ట‌ప‌డ‌రు.. అయితే కొందరు ఇష్టంగా తింటారు వారికి ఇది ఎన్నో పోష‌కాలు ఇస్తుంది.ఇందులో ఉండే సల్ఫోరాఫేన్ అనే ఎంజైమ్ క్యాన్స‌ర్‌కు వ్య‌తిరేకంగా పోరాడే గుణాన్ని క‌లిగి ఉంటుంది. క‌నుక క్యాబేజీని వారానికి ఓ సారైనా తీసుకోవాలి.. కాని ప్ర‌స్తుతం మార్కెట్ల‌లో జంక్ ఫుడ్ ల‌లో దీనిని ఎక్కువ‌గా వాడుతున్నారు.
 
4. కాలీఫ్ల‌వర్
 కాలీప్లవర్ లో విటమిన్ సి ఎక్కువగా ఉంటుంది. విటమిన్‌ బి5, బి6, మాంగనీస్‌, ఫ్యాటీ యాసిడ్లు కూడా ఇందులో ఉంటాయి. అలాగే కార్బోహైడ్రేట్లు, సోడియం మినరల్స్‌ కూడా కాలీఫ్లవర్‌లో లభిస్తాయి. దీంతోపాటు మ‌న శ‌రీరానికి ఎక్కువ ప్రోటీన్ల‌ను ఇవ్వ‌డంలోనూ కాలీఫ్ల‌వ‌ర్ మేలు చేస్తుంది. దీంతో శ‌రీర నిర్మాణం స‌రిగ్గా జ‌రుగుతుంది. ఇది ప‌దిరోజుల‌కు ఓసారి తీసుకోవ‌డం వ‌ల్ల శ‌రీరానికి ఎంతో మేలు ఆరోగ్యక‌రం.
 
5. కాకరకాయ
కాక‌ర‌కాయ పేరు విన‌గానే కొంద‌రు దూరం జ‌రుగుతారు కాని నిజానికి కాక‌ర‌కాయ తిన‌డం వ‌ల్ల అనేక పోష‌కాలు మ‌న శ‌రీరానికి అందుతాయి. ఇది తిన‌డానికి చేదుగా ఉన్నా, ఆరోగ్యానికి ఎంతో మంచి చేస్తుంది...జ్వ‌రం, ర‌క్త దోషాల‌ను పోగొడుతుంది. డ‌యాబెటిస్ అదుపులో ఉంటుంది. నులిపురుగులు న‌శిస్తాయి. శరీరానికి కావల్సిన ఫొలేట్‌, మెగ్నీషియం, జింక్ వంటి పోష‌కాల‌ను అందిస్తుంది.  దీంతో ఐర‌న్ ఎక్కువ‌గా ల‌భించి ర‌క్త‌హీన‌త స‌మ‌స్య పోతుంది. రోగ నిరోధ‌క శ‌క్తి పెరుగుతుంది. కాక‌ర‌కాయ‌ల్లో ఉండే కెరోటినాయిడ్స్ మ‌న‌కు అన్ని విధాలుగా మేలు చేస్తాయి. 
 
6. పాలకూర
పాల‌కూరలోనూ కెరోటినాయిడ్స్ పుష్క‌లంగా ఉంటాయి. దీంతోపాటు విట‌మిన్ సి, ఎ, కె, మెగ్నిషియం, ఫోలిక్ యాసిడ్‌లు పాల‌కూర‌లో ఉంటాయి. ఇవి క్యాన్స‌ర్‌ను అడ్డుకుంటాయి. ఊపిరితిత్తులు, బ్రెస్ట్ క్యాన్స‌ర్ రాకుండా చూస్తాయి. ఐరన్ కాల్షియం వృద్దిగా ఉంటుంది అందుకే పాల‌కూర‌ను మ‌న ఆహారంలో భాగం చేసుకోవాలి.
 
7. చిక్కుడు
కూర‌గాయల్లో చిక్కుడుకు ప్ర‌త్యేక స్థానం ఉంది. ఈ కాయ‌ల‌ను కూర‌గా తిన‌కున్నా వేయించు తిన్నా చాలు అద్భుత‌మైన మేలు క‌లుగుతుంది. క‌నీసం వారంలో రెండు, మూడు సార్ల‌యినా చిక్కుడు కాయ‌ల‌ను తినాలి. వీటి ద్వారా శ‌రీరానికి ప్రోటీన్లు బాగా ల‌భించి శ‌రీరానికి శ‌క్తి వ‌స్తుంది. శ‌రీర నిర్మాణం జ‌రుగుతుంది. చిక్కుడులో ఉండే ఫైబ‌ర్ జీర్ణ స‌మ‌స్య‌ల‌ను పోగొడుతుంది. మ‌ధుమేహాన్ని త‌గ్గించి గుండె జ‌బ్బులు రాకుండా చూస్తుంది.
 
ఈ ఆహార‌ప‌దార్దాలు త‌ర‌చూ తీసుకోవ‌డం వ‌ల్ల పుష్క‌లంగా పోష‌కాలు శ‌రీరానికి అందుతాయి.

షేర్ :

Comments

0 Comment

తాజా వార్తలు

Copyright © Janahitham. All rights reserved. Designed by Aakruti.