ప‌సుపుతో నిజంగా ఆ జ‌బ్బుకు చెక్ పెట్ట‌చ్చా?

Breaking News

హోమ్        ఆరోగ్యం      న్యూస్

turmeric
Updated:  2018-07-11 03:01:53

ప‌సుపుతో నిజంగా ఆ జ‌బ్బుకు చెక్ పెట్ట‌చ్చా?

మ‌నిషి బ్ర‌తికి ఉన్నంత కాలం ఏదో ఓ ఆశ‌తో జీవిస్తూనే ఉంటాడు.. ఓసారి అత‌ని దేహాం ఈ భూమిని వ‌దిలేస్తే, అత‌నికి ఇక్క‌డ ఏదీ స‌ర్వ‌స్వంగా ఉండ‌దు, ఏమీ తీసుకురాకుండానే వ‌చ్చే మ‌నిషి ఏమీ సంపాదించ‌కుండానే తిరిగి వెళ్లిపోతాడు. అయితే మ‌న శ‌రీరంలో ఏదో ఓ భాగంలో అతి చిన్న‌గా ఆ వ్యాధి మొద‌లవుతుంది.. అక్క‌డ నుంచి క్ర‌మేణా ప్రాణాల‌నే హ‌రిస్తుంది.. ఆ వ్యాధి ఏమిటో మీకు ఇప్ప‌టికే అర్ధం అయి ఉంటుంది అదే క్యాన్స‌ర్ రోగం.
 
కాని చాలా మంద‌దికి త‌మ‌కు క్యాన్స‌ర్ వ్యాధి సోకింది అని తెలిసేలోపు వారు మ‌ర‌ణానికి ద‌గ్గ‌ర‌కు వ‌స్తారు. అందుకే ఆదిలోనే క్యాన్స‌ర్ ని గుర్తిస్తే క‌చ్చితంగా మందులు వాడి, ఆ వ్యాధి నుంచి బ‌య‌ట‌ప‌డ‌వ‌చ్చు...మాములుగా క్యాన్సర్ 40 ఏళ్ళు పైబడిన వారిలోనే ఎక్కువగా కనిపిస్తుంది.
 
కానీ కొన్ని సంవత్సరాల నుండి చిన్నపిల్లలు సైతం క్యాన్సర్ బారిన పడుతున్నారు, కొంత మందికి జన్యు పరంగా, వంశపారంపర్యంగా క్యాన్సర్ వస్తుంది, కానీ ఈ మధ్య మన ఆహార అలవాట్ల వల్ల కూడా శరీరంలోని క్యాన్సర్ కణాలు వేగంగా వృద్ధి చెందుతున్నట్లు అనేక పరిశోధనలు నిరూపించాయి, కొన్ని రకాల క్యాన్సర్ లని ఆదిలోనే నిర్ములించే శక్తి, ఔషధ గుణాలు పసుపులో ఉన్నాయని, అమెరికాకి చెందిన శాస్త్రవేత్తలు, వైద్య నిపుణుల బృందం పరిశోధనలో తేల్చింది.
 
తాజాగా సెంట్రల్ ఫ్లోరిడా యూనివర్శిటీకి చెందిన శాస్త్రవేత్తలు. అనేక రోగాలను పోగొట్టే ఔషధ గుణాలు పసుపులో ఉన్నాయి అని తెలియ‌చేశారు.. పసుపు శరీరంలోని వేడిని తగ్గిస్తుంది. విష లక్షణాలను హరిస్తుంది. పుళ్లను మాన్పుతుంది. దురదలతో పాటు చర్మ వ్యాధులు కూడా పసుపు ద్వారా నశిస్తాయి. అనేక ఔషధ గుణాలున్న పసుపును వివిధ రకాల మందులు తయారు చేయడానికి ఉపయోగిస్తారు.
 
ముఖ్యంగా దీన్ని చర్మ సౌందర్యానికి ఉపయోగించే క్రీముల్లో వాడుతారు. టీబీ, కిడ్నీ తదితర రోగాల నివారణ కోసం వాడే మందుల్లో సైతం పసుపు వాడుతారు. పురాణాల్లో సైతం పసుపుకు దైవశక్తితో పాటు ఔషద శక్తి ఉందని పేర్కొన్నారు. పూజ విధానాల్లో సైతం పసుపుకు ప్రత్యేక స్థానం ఉంది. ఊర్లలో చిన్న చిన్న గాయాలకు యాంటీ సెప్టిక్ గా పసుపుని ఉపయోగిస్తారు, ఇంతటి ప్రాధాన్యత కలిగిన పసుపులో క్యాన్సర్ ని ముఖ్యంగా పిల్లల క్యాన్సర్ ని నయం చేసే అనేక ఔషధ గుణాలు ఉన్నాయని అమెరికా శాస్త్రవేత్తలు కనుగొన్నారు, పసుపుని విరివిగా ఆహారంలో తీసుకోవడం వల్ల కాన్సర్ కణాలని ఆదిలోనే నిర్మూలించవచ్చని తెలిపారు వైద్యులు... అందుకే మ‌నం తినే ఆహారంలో ప‌సుపు శాతం ఎక్కువగా ఉండాలి.. వారానికి నాలుగు రోజులు మ‌నం తినే ఆహారంలో ప‌సుపు ఉంటే, మ‌న శ‌రీరంలో జీవ క్రియ‌తో పాటు ఆరోగ్యానికి కూడా చాలా మంచి చేస్తుంది.

షేర్ :

Comments

0 Comment

తాజా వార్తలు

Copyright © Janahitham. All rights reserved. Designed by Aakruti.