అష్టాంగ యోగ అంటే? లాభం ఏంటి? ఎలా చేయాలి

Breaking News

హోమ్        ఆరోగ్యం      న్యూస్

ashtanga yoga
Updated:  2018-06-14 12:40:20

అష్టాంగ యోగ అంటే? లాభం ఏంటి? ఎలా చేయాలి

సనాతన భారత దేశానికి యోగ శాస్త్రాన్ని  ఒక క్రమపద్ధతి లో రాసి అందించారు  పతంజలి మహర్షి...ఆయన సూచించిన మార్గమే ఎందరికో సన్మార్గమైంది...యోగా నియమాలను 8 క్రియలుగా విభజించి వాటి వివరణ  ఇచ్చారు.....వాటిని మనిషి ఎందుకు ఆచరించాలో, దానివల్ల కలిగే ఉపయోగాలేంటో  ఎంతో చక్కగా వివరించారు..ఆ ఎనిమిది క్రియలనే అష్టాంగ యోగం అంటారు....
 
అయితే ఈ అష్టాంగ యోగాలో ఏమి ఉన్నాయి.....?
 
అష్టాంగ యోగ లో ముఖ్యంగా, యమ, నియమ, ఆసన, ప్రాణాయామ, ప్రత్యాహార, ధారణ, ధ్యాన, సమాధి...అనే క్రియలు ఉంటాయి...ఇవి మనిషి ని ఆధ్యాత్మికంగా  అత్యున్నత స్థాయికి తీసుకువెళతాయి...ఆత్మ, పరమాత్మ కు దగ్గరగా చేరుకోవాలన్నా, మనసులో ఎటువంటి ఆలోచన లేకుండా, ఎటువంటి కదలిక లేకుండా పూర్తిగా పరమాత్మ ఆధీనంలో నిర్వికల్పంగా ఉండాలన్నా  ఈ అష్టాంగా యోగాలను తప్పకుండా పాటించి తీరాల్సిందే...
 
ఎందుకు ఈ స్థితిని పొందాలి...? 
 
ఆధ్యాత్మిక సాధన చేస్తున్నవారికి చిట్టచివరి స్థితి సమాధి స్థితి.....ఇటువంటి స్థితికి చేరుకున్నవారు మన దేశంలో చాలా అరుదు....ఆధ్యాత్మికాన్ని ఒక ఉన్నత శిఖరానికి చేర్చిన వారిలో పరమగురువు రామకృష్ణ పరమహంస ఒకరు...ఆయన ఎంతో సులువుగా ఉన్నచోటే అవలీలగా ఈ స్థితికి చేరుకునేవారు...అని  స్వయంగా అయన శిష్యులు చెప్తుండేవారు...ఈ స్థితిని చేరుకుంటే భారతీయ కర్మ సిద్ధాంతం ప్రకారం ఒక మానవజన్మ పరిపూర్ణత్వాన్ని చేరుకుంటుంది...స్తితప్రగ్నతను పొందుతుంది...
 
మరి  క్రియలు ఏం చెబుతున్నాయి..? 
 
యమ: మనిషి సంఘ జీవి. ఈ సమాజంలో కొన్ని విలువలతో నడుచుకోవాల్సి ఉంటుంది. ఇందుకు తగినట్లుగా తనను తాను తీర్చిదిద్దుకునే ప్రక్రియే యమ. ఇది... సాధకునిలో ఉద్రేక, ఉద్వేగాలను నియంత్రిస్తుంది. మనసును, శరీరాన్ని సమతౌల్య స్థితికి చేరుస్తుంది. అహింస, అసత్యం, ఆస్థేయం, బ్రహ్మచర్యం, అపరిగ్రహం అనే నియమాలను పాటించడం ద్వారా మనసు నిర్మల స్థితికి చేరుతుంది.
 
నియమ: ఇది వ్యక్తిగతంగా, వ్యక్తులతో వ్యవహరించాల్సిన లక్షణాలకు సంబంధించిన క్రియ. పరులతో సామరస్యం, సమన్వయంతో జీవించేందుకు తోడ్పడే విధానం. సౌచము, సంతోషము, తపస్సు, స్వాధ్యాయము, ఈశ్వర ప్రణిదానము అనే ఐదు మార్గాల ద్వారా నిమయాన్ని సాధించవచ్చు.
 
ఆసనము: ఇది... శరీర భంగిమలతో సాగే యోగ క్రియ. స్థిరంగా, సుఖంగా ఒక భంగిమలో కూర్చునేలా చూడడం. శరీరాన్ని కొద్దిసేపు నిశ్చలంగా ఉంచడం ద్వారా శరీర భాగాలకు అవసరమైన శక్తి సమకూరుతుంది. మనుషులే కాకుండా విశ్వలోని జీవకోటి సమస్తం వివిధరకాల ఆసనాలు అనుసరిస్తుంది. సృష్టిలో 84 లక్షల ఆసనాలు ఉన్నాయని చెబుతారు.
 
ప్రాణాయామ: ప్రతి మనిషిలో జీవశక్తి ఉంటుంది. ఆ శక్తిని నియంత్రించి, నిర్దేశించే ‘శక్తి’నిచ్చేదే ప్రాణాయామ. శ్వాసను ఒక క్రమపద్ధతిలో తీసుకుంటూ, వదిలే క్రమమే ప్రాణాయామము. పూరకం (శ్వాస తీసుకోవడం) కుంభకం (శ్వాసను నిలపడం) రేచకం (శ్వాసను వదలడం) వల్ల శ్వాసక్రియ వృద్ధి చెంది, రక్తశుద్ధి జరుగుతుంది. మనసు నిర్మలం అవుతుంది.
 
ప్రత్యాహారము: జ్ఞానేంద్రియాలు, కర్మేంద్రియాలను స్వాధీనంలో ఉంచడమే ప్రత్యాహారము.
 
ధారణ: ఇది ఏకాగ్రత సంబంధిత ప్రక్రియ. మనసు లగ్నం చేయడంతోపాటు సంకల్పించ ధరించేదే ధారణ.
 
ధ్యానం: తదేకమైన ధారణే ధ్యానం (మెడిటేషన్‌). మనసులో సంకల్పించిన దానిపై దృష్టి సారించడం వల్ల మానసిక ప్రశాంతతతో పాటు శరీరానికి బలం చేకూరుతుంది.
 
సమాధి: సర్వం మరిచిపోయి తనలో తాను ఐక్యం కావడమే ‘సమాధి’. ఈ స్థితిలో బాహ్య ప్రపంచంతో, అంతర్‌ ప్రపంచంతో సంబంధం లేని సమత్వ స్థితి సాధించగలుగుతారు. కాబట్టి ఈ అష్టాంగ యోగాలను అనుసరించండి అసాధారణ విజయాలను చవి చూడండి.....
 
 

షేర్ :

Comments

0 Comment

తాజా వార్తలు

Copyright © Janahitham. All rights reserved. Designed by Aakruti.