దానం టీఆర్ఎస్ లోకి జంప్

Breaking News

హోమ్        తెలంగాణ      న్యూస్

Updated:  2018-06-23 15:54:53

దానం టీఆర్ఎస్ లోకి జంప్

దానం నాగేంద్ర‌రావు కాంగ్రెస్ పార్టీకి నిన్న రాజీనామా చేసిన సంగ‌తి తెలిసిందే. ఇక త‌న రాజీనామా వ్య‌వ‌హారంపై  ఈ రోజు మీడియా స‌మావేశం ఏర్పాటు చేశారు దానం. ఈ సంద‌ర్భంగా ఆయ‌న మాట్లాడుతూ తాను మూడు ద‌శాబ్దాలుగా కాంగ్రెస్ పార్టీకి సేవ‌లు అందించాన‌ని కానీ త‌న‌ను పార్టీ అధిష్టానం గుర్తించ‌లేద‌ని అన్నారు. దివంగ‌త నేత‌ రాజ‌శేఖ‌ర్ రెడ్డి ముఖ్య‌మంత్రి హ‌యాంలో త‌న‌కు మంచి గుర్తింపు ఉంద‌ని కానీ రాష్ట్ర విభ‌జ‌న జ‌రిగిన త‌ర్వాత పార్టీ నాయ‌కులు ఇష్టానుసారంగా ప్ర‌వర్తిస్తున్నార‌ని మండిప‌డ్డారు.
 
అలాగే కొద్దిరోజుల క్రితం గ్రేట‌ర్ హైద‌రాబాద్ లో ఎన్నిక‌లు జ‌రిగిన‌ప్పుడు త‌న‌కు తెలియ‌కుండా ఇష్టానుసారంగా పార్టీ నాయ‌కులు టికెట్ కేటాయించార‌ని దానం విమ‌ర్శించారు. గ‌తంలో కూడా తాను బీసీల‌కు న్యాయం చేయాల‌ని అనేక సార్లు రాహుల్ గాంధీని క‌లిశాన‌ని అన్నారు. 
 
కానీ దీని గురించి ప‌ట్టించుకోలేద‌ని ఆయ‌న మండిప‌డ్డారు. కేవ‌లం ఢిల్లీ చుట్టూ తిరిగిన వారి మాట‌లు మాత్ర‌మే వింటార‌ని దానం విమ‌ర్శించారు. ఇక ఇవ‌న్ని చూసి త‌ట్టుకోలేక నేను కాంగ్రెస్ పార్టీలో ఉంటే రాజ‌కీయంగా ఎద‌గ‌లేన‌నే ఉద్దేశ్యంతో తాను రాజీనామా చేశాన‌ని అన్నారు. ఇక ఇప్ప‌టికే ఆయ‌న మంత్రి త‌ల‌సాని శ్రీనివాస్ యాద‌వ్ ను క‌లిశారు. ఆయ‌న టీఆర్ ఎస్ లో చేర‌డం ఖాయం అని తేల‌డంతో టీ కాంగ్రెస్ నాయ‌కులు బ‌య‌ప‌డుతున్నారు

షేర్ :

Comments

0 Comment

తాజా వార్తలు

Copyright © Janahitham. All rights reserved. Designed by Aakruti.