తూ... మీ బ‌తుకులు చెడా

Breaking News

హోమ్        తెలంగాణ      న్యూస్

kcr
Updated:  2018-10-05 11:13:42

తూ... మీ బ‌తుకులు చెడా

తెలంగాణ ఆప‌ద్ద‌ర్మ ముఖ్య‌మంత్రి కేసీఆర్ కి ఓట‌మి భ‌యం ప‌ట్టుకుందా..?. పొత్తులో భాగంగా అధికారంలోకి రావాల‌ని కాంగ్రెస్, అధికారం కాదు తెలంగాణాలో త‌న పార్టీ ఉనికి చాటుకోవాల‌ని టీడీపీ ముమ్మ‌ర ప్ర‌యత్నాలు చేస్తుందా..? ఈ ప్ర‌య‌త్నాలు స‌ఫ‌లం కావ‌డంతో ఇరు పార్టీల‌కు ప్ర‌జ‌ల్లో మైలేజ్ పెరిగింద‌నే రిపోర్ట్ లు వెలుగులోకి వ‌చ్చాయా..? అంటే అవున‌నే అంటోంది కేసీఆర్ స్పీచ్. 
 
ఎన్నిక‌ల్లో అధికారం చేప‌ట్టేదిశ‌గా కాంగ్రెస్  పార్టీ అడుగులు వేస్తోంద‌ని, టీఆర్ఎస్ పార్టీ  త‌ప్పిదాలు ప్ర‌జ‌ల్లో తీవ్ర వ్య‌తిరేక‌తతో ఎన్నిక‌ల్లో అధికారంలోకి రావ‌డం అంత ఈజీగా కాద‌ని తెలుస్తోంది. దీంతో కేసీఆర్ త‌న ప‌దునైన మాట‌ల‌తో మ‌హాకూట‌మిపై తీవ్ర‌స్థాయిలో విరుచుకు ప‌డుతున్నారు. ఇటు మ‌హా కూట‌మి త‌నప‌ని తాను చేసుకుంటూ వెళుతోంది. పొత్తులో భాగంగా టీడీపీ తో చేతులు క‌లిపిన కాంగ్రెస్ ప్ర‌జ‌ల్లో సింప‌తీతో ఓట్లు కొల్ల‌గొట్టేందుకు ప్ర‌య‌త్నిస్తుంది. ఓ వైపు ప్ర‌భుత్వ ప‌నితీరును విమ‌ర్శిస్తూ  నేత‌ల‌పై కేసులు, టీఆర్ఎస్ పార్టీ ప‌నితీరును ఎండ‌గ‌డుతున్నాయి. దీనికి తోడు కేసీఆర్ ప్ర‌క‌టించిన ఎమ్మెల్యే అభ్యర్ధుల జాబితాలో త‌మ‌పేరు లేక‌పోవ‌డంతో దాదాపు 40మంది ఆశావాహులు కాంగ్రెస్ తో చేతులు క‌లిపేందుకు తెర‌వెనుక రాజ‌కీయం న‌డుస్తున్న‌ట్లు తెలుస్తోంది. 
 
ఇందుకోసం టీడీపీ - కాంగ్రెస్ పార్టీ నేత‌లు చ‌ర్చ‌లు జ‌రుపుతున్నార‌ని, కేసీఆర్ రెండోసారి అభ్య‌ర్ధుల జాబితాను ప్ర‌క‌టిస్తారో..అప్పుడే తాము నిర్ణ‌యం తీసుకుంటామ‌నే సంకేతాలు ఇస్తున్నార‌ట‌. ఈ నేప‌థ్యంలో తెలంగాణ ఎన్నిక‌ల ప్ర‌చారంలో జోరు పెంచారు తెలంగాణ ఆప‌ద్ద‌ర్మ సీఎం కేసీఆర్. నిజామాబాద్ స‌భ‌లో అభివృద్ధి ప‌థ‌కాల్ని వివ‌రిస్తూ తెలంగాణ ప్ర‌భుత్వ ఘ‌న‌త‌ను చాటుకున్నారు. అదే స‌మ‌యంలో మ‌హాకూట‌మి వ‌ల్లే ఓడిపోతామ‌నే ముమ్మ‌ర ప్ర‌చారాన్ని జీర్ణించుకోలేక‌పోతున్నారు. నాలుగున్న‌రేళ్ల పాల‌న‌లో ప్ర‌జ‌లకు చేసిందేమీ లేద‌నే సంకేతాల్ని కాంగ్రెస్ - టీడీపీ ప్ర‌జ‌ల్లోకి తీసుకొని వెళ్ల‌డంలో సెక్సెస్ అవుతున్నాయి. కాబ‌ట్టే నిజామాబాద్ స‌భ‌లో టీడీపీ ని టార్గెట్ చేస్తూ అదే స‌మ‌యంలో కాంగ్రెస్ పై రొటీన్ గా టీడీపీపై మరింత తీవ్రంగా విరుచుకుప‌డ్డారు. 
 
ముఖ్యంగా చంద్ర‌బాబు మీద ఘాటుగా విమ‌ర్శ‌లు చేశారు. మ‌రి ఇన్ని రోజులు సైలెంట్ గా ఉన్న కేసీఆర్ ఇలా వ‌యోలెంట్ గా మార‌డానికి కార‌ణం ఏమై ఉంటుంద‌నేది చ‌ర్చాంశ‌నీయంగా మారింది. సిగ్గు లేకుండా మేం చంద్ర‌బాబు నాయుడుతో పొత్తుక‌లుపుతాం.థూ మీ బ‌తుకులు చెడా. తెలంగాణ ద్రోహి. చెడిపోయి చంద్ర‌బాబు నాయుడుతో పొత్తా మీ బ‌తుకుల‌కు . ఏమ‌య్యా అడుక్కుంటే మేం ఇస్తామ‌య్యా నాలుగు సీట్లు కావాలంటే . నేను చావునోటి దాకా వెళ్లి కోట్లాడి తెచ్చిన తెలంగాణ‌ను, మ‌ళ్లీ విజ‌య‌వాడ అమ‌రావ‌తికి పోవాల్నా మ‌నం. చంద్ర‌బాబు నాయుడు ఇప్పుడు ఐదొంద‌ల కోట్లు ఇస్తాడంట ఈ దుర్మార్గుల‌కు. కాంగ్రెస్ ప్ర‌చారం మూడు హెలికాప్ట‌ర్లు. చంద్ర‌బాబు నాయుడు బుక్ చేసి వీళ్ల‌కి ఇస్తాడ‌ట అంటూ చంద్ర‌బాబుపై నిప్పులు చెరుగుతూనే ..ఇక్క‌డ సీమాంధ్ర‌లు తెలంగాణ ప్ర‌జ‌లేన‌ని చెప్పుకున్నారు. ఇక్క‌డి అభివృద్ధిలో వారూ భాగ‌స్వాములేన‌ని క‌లుపుకొని పోయే ప్ర‌య‌త్నం చేస్తున్నారు. 
 
అయితే ఈ వ్యాఖ్య‌ల‌పై కాంగ్రెస్-టీడీపీ పార్టీలు కేసీఆర్ పై మండిప‌డుతున్నాయి. మ‌హాకూట‌మిని జీర్ణించుకోలేని కేసీఆర్ త‌మ‌పై విమ‌ర్శ‌లు చేస్తున్నార‌ని ఇరుపార్టీల నేత‌లు సూచిస్తున్నారు. 20ఏళ్లు తెలుగు దేశంలో ఉన్న‌ప్పుడు కేసీఆర్ కు గుర్తుకు రాలేదా ఆంధ్రాపార్టీ అని.1999లో మ‌హా కూట‌మిలో టీడీపీతో పొత్తు పెట్టుకున్న‌ప్పుడు సిగ్గనిపియ్య‌లేదా..? ఇప్పుడు ఏమైందా సిగ్గు. ఆ మాట‌లు మాట్లాడుతున్నారు. అప్పుడు కీర్తించిన మాటలు ఏమ‌య్యాయి అని ప్ర‌శ్నిస్తున్నాయి.

షేర్ :

Comments

0 Comment

తాజా వార్తలు

Copyright © Janahitham. All rights reserved. Designed by Aakruti.