తెలంగాణ స‌ర్కార్ ఉగాదికి కానుక కర‌దీపిక

Breaking News

హోమ్        తెలంగాణ      న్యూస్

telangana cm kcr image
Updated:  2018-03-16 01:07:52

తెలంగాణ స‌ర్కార్ ఉగాదికి కానుక కర‌దీపిక

తెలుగు రాష్ట్రాల్లో పండుగ కానుక‌లు చ‌ర్చ‌కు వ‌స్తున్నాయి... ప్ర‌తీ ముఖ్య‌మైన పండుగ‌ల‌కు కానుక‌లు ఇవ్వాలి అనే ఆలోచ‌న‌లు చేస్తున్నాయి ఇరు ప్ర‌భుత్వాలు... ఇప్పుడు తాజాగా తెలంగాణ స‌ర్కార్ ఉగాది ప‌ర్వ‌దినం సంద‌ర్బంగా క‌ర‌దీపిక పేరుతో తీసుకొచ్చిన హ్యాండ్ బుక్ ను అందించ‌నుంది అంద‌రికి.. ఇది ఇప్పుడు అంద‌రిని ప్ర‌త్యేకంగా ఆక‌ట్టుకుంటోంది.
 
ఇందులో 20 రకాల అంశాలను పొందుపరిచారు. వర్ణమాల, తెలుగు సంవత్సరాలు, తిథులు – వారాలు, పక్షాలు – ఆయనాలు, మాసాలు, రుతువులు, కార్తెలు, నక్షత్రాలు – రాశులు, వేదాలు, ఉపనిషత్తులు, పురాణాలు, ఇతిహాసాలు, యుగాలు, ప్రాచీన కాలగణనం, తెలంగాణలో పూర్వం వాడుకలో ఉన్న కొలమానాలు, ప్రాచీన సంఖ్యామానం, పండుగలు, పండుగల పాటలు, రాష్ట్ర చిహ్నాలు, తెలంగాణ కళలు, వాయిద్య పరికరాలు, మన పంటలు – ఆహారం, మన ఆటలు, నీతి పద్యాలు, తెలంగాణను పరిపాలించిన రాజవంశాలు ఉన్నాయి.
 
మొత్తం 56 పేజీల పుస్తకం సమగ్ర సమాచారంతో అందరినీ ఆకట్టుకొంటోంది. పాశ్చాత్య మోజులో పడి మన సంస్కృతి, సంప్రదాయాలను మరచిన నేటి తరానికి మన ప్రాచీన జ్ఞానం తెలియాలనే ఉద్దేశంతో సీఎం కేసీఆర్‌ ప్రత్యేక చొరవతో ఈ కరదీపికను ప్రభుత్వం తీసుకొచ్చింది. ప్రతి ఇంటికీ దీన్ని అందించాలని ప్రభుత్వం భావిస్తోంది. 
 
ఈ క‌ర‌దీపిక‌ను స‌మ‌గ్ర కుటుంబ స‌ర్వేలో తేల్చిన 1.30 కోట్ల కుటుంబాల‌కు అందించాల‌ని, డీఈవోలు - రెవెన్యూ యంత్రాంగం ద్వారా వీటిని పంపిణీ  చేయ‌నున్నారు అని తెలుస్తోంది... ఈ నెల 17న రాష్ట్రంలోని అన్ని జిల్లా కలెక్టరేట్లకు ఈ హ్యాండ్‌ బుక్కులను సరఫరా చేస్తారు.... కలెక్టర్లు గ్రామాలకు చేరుకొని ఈ హ్యాండ్‌ బుక్‌ను ప్రతి ఇంటికీ అందజేస్తారు.. జిల్లాల్లో కలెక్టర్లు కూడా ఈ పుస్తకాల్ని లక్ష వరకు ప్రింట్‌ చేసుకునే వెసులుబాటును ప్రభుత్వం కల్పించింది.

షేర్ :

Comments

0 Comment

తాజా వార్తలు

Copyright © Janahitham. All rights reserved. Designed by Aakruti.